In frijgeselle hoanne, sa hyt, sa gleone hyt,
koe syn lustgefoelens bij gjin inkel hintsje kwyt.
In keartsje lekker trêdzje wie wat hij graach woe,
mar gjin hintsje te finen, dêr't hij op wippe koe.
Oer alle boerehiemen hie hij oan 't strunen west,
mar oeral dêr 't er kaam, krige er nul op it rekest.
Gjin inkeld plomfeewyfke woe mei him op it nêst,
dat foar syn sielerêst tocht de hoanne doe op 't lêst:
Ik gean nei de grutte stêd ta, faaks dat ik dêr in hin
heul tafallich op 'e strjitte tsjin it liif oanrin.
Mar ús earme hoanne fûn, op syk nei potentsjeel,
sels net in rosse buert of in hinne-hoer-bordeel.
Mar yn 't winkelsintrum dêr bruts it swit him út.
Dêr lei pot-jan-hinnekont in hintsje efter it rút.
Neaken, yn bleat pikefel, breedút yn fol ornaat.
De poatsjes rjocht omheech yn in bedsje iisberchslaad.
It brânde 'm yn 'e bealch, de holle waard him licht.
Hij woe fiktoarje kraaie, mar de strôte siet him ticht.
Doe skeat er hurd de winkel yn - 't ferstân wie op 'e rin -
en naaide efter it slachtersrút in kâlde djipfrieshin.
Wylst hij nei lei te hymjen, och earm, earm dier,
foel oer syn healwiis dwaan it each fan de poelier.
Foar't er it yn 'e gaten hie, rôle dêr syn kop
en dreau syn fleis yn partsjes yn held're hinnesop.
MORAAL FAN IT FERHAAL:
O, frijgeselle hoannen meitsje noait sa'n dryst fersin.
Fergryp jim dus út geilens noait oan in kâlde hin.
Hâld ús foarbyldhoanne foar eagen, wurd net syn lotgenoat.
Dat mochten jim oanstriid hawwe... lûk dan mei de poat.
source: Songteksten.nl
Language: dutch